Eydís Inga

Bæjarfulltrúi Samfylkingarinnar í Kópavogi

Hafa samband
Eydís Inga brosandi í svörtum jakka
Eydís Inga brosandi í bláröndóttri skyrtu

Um mig

Ég heiti Eydís Inga Valsdóttir og er bæjarfulltrúi Samfylkingarinnar í Kópavogi. Ég fæddist í Vestmannaeyjum árið 1990 og bý í Kópavogi með manninum mínum, Aroni Tomma Skaftasyni, og börnunum okkar tveimur, Nökkva og Iðunni.

Ég er með BA-gráðu í almennri bókmenntafræði frá Háskóla Íslands og meistaragráður í Norðurlandafræðum frá Uppsala Universitet og í stafrænni upplýsingastjórnun frá Högskolan i Borås. Ég starfa sem teymisstjóri og sérfræðingur á Mennta- og menningarsviði Rannís. Áður starfaði ég meðal annars hjá Universitets- och högskolerådet í Svíþjóð og í sendiráði Íslands í Stokkhólmi.

Ég sit í bæjarstjórn Kópavogs, í umhverfis- og skipulagsráði og í svæðisskipulagsnefnd höfuðborgarsvæðisins. Ég er varamaður í bæjarráði og öldungaráði og áheyrnarfulltrúi í forsætisnefnd. Þá er ég gjaldkeri sveitarstjórnarráðs Samfylkingarinnar og formaður skólanefndar Menntaskólans í Kópavogi.